職業心理學課

琴晚我又去咗第二間學院教職業心理學，諗住堂堂一間學院，運作左成年幾，設備都應該好齊先至啱格。點知去到先發現，電腦又慢又唔穩定，個「芒」跳下跳下，仲要連咪都冇。俾著平時我無唔舒服都冇所謂，但係琴晚個喉嚨成晚乾到死，個鼻又塞塞地，一路講書要一路飲水開聲，真係攞命。我講足兩個幾鐘，絕無欺場，到尾我差啲連聲到冇埋。

 

上一次教職業心理學係已經係成年前，學員都係安全主任或者係安全督導員，全部都響site(地盤)做野，一上堂好多人都因為攰得滯被睡魔急Call，我當然好明白，因為我都曾經一邊做野、一邊讀書，好辛苦。琴晚班學員背景同之前嗰班有啲唔同，有啲都仍然係安全主任或者督導員，但係有啲就係來自其他Field既，好似醫院呀、渠務處呀咁，最得意就係有兩位女學員，佢地都係從事一啲水利技術有關既工作，好堅。