我去左書展啦！

突登狠狠地請左日假，今日我、嫲嫲帶埋阿大仔去左書展，主要係5號館兒童天地，人唔算多，好舒服。佢響親子閣玩得好開心，做左一個風車同一件樂器，仲有機會聽下陳志雲講故事添。我地今朝10點幾入場，票價10蚊位，阿大仔唔駛，真係抵！我陪左阿仔成朝，都算盡番啲父親既責任。

之後下晝我自己去左其他館參觀買野，阿仔同阿嫲就番屋企休息。我主要都係買簡體字書，因為好平，仲要係1對1，唔睇唔得。其實我Target既書，一早已經買晒，繼續行落去主要係感受下個氣氛，吸收下的新野，譬如潮流文化興緊啲乜...唔同既宗教有啲乜野新產品，用緊啲乜野手段傳教...今期有冇啲乜野新既教材等等。本來今日理論上係可以一直行到半夜12:00，但係我4:00就鳴金收兵，見好就收，留番啲力歡度週末。

Anyway, 今日真係好開心，好放假Feel。正！Yeah!!