陳百強...15年...50歲

最近聽收音機先至發現，原來陳百強已經死咗15年有多。15年其實唔係一個短日子，如果當年陳百強冇事冇幹既話，原來佢今日已經50歲啦。陳百強50歲個樣會係點？真係好難想像，因為從來佢都係好年青，年青從來都冇離開過佢。


雖然15年唔係短時間，但係感覺真係好短、好快。如果我冇聽到收音機，唔知道陳百強已經死咗15年，我仲以為佢只係離開咗幾年咁。15年......15年後，原來我都已經50歲囉，諗下諗下，都幾恐怖，因為眨下眼就會到。我到時個樣會點？會唔會已經生滿晒白頭髮？到時唔知我會做緊乜野呢？教書定係輔導？兩樣都做緊定係做緊第二啲野？Wendy同我一齊生活得開唔開心呢？大B、二B、三B又成長得好唔好呢？我同佢地既關係又好唔好呢？

如果上帝施恩，俾我過呢15年，我真係要好好計劃下點樣過至得啦！