幻想

今日係離開澳洲嘅前一日, 我自己一個坐咗喺街頭, 飲住咖啡, 一個人喺度幻想, 究竟幾時先至可以同你把臂同遊, 去雪梨有名嘅景點, 雪梨大橋, 歌劇院, 鮮魚市場, 普通市鎮嘅街頭, 各式各樣同嘅食物。

我又一個人喺度幻想, 你係咪會過嚟呢邊讀幼兒教育, 讀證書, 讀文憑, 讀碩士。係咪可以坐喺你身邊, 教你做功課, 同你一齊生活。

我嘅人生, 淨係得番下半場, 呢一個下半場, 我好希望同你一齊過。縱然呢個係一廂情願嘅諗法, 但係諗下我都覺得快樂。雖然, 你成日都話未必會過嚟, 令到我好忐忑, 但係點都好啦, 只要可以同你喺埋一齊, 你話去邊就去邊啦。

你嘅幸福就係我嘅幸福, 你嘅快樂就係我嘅快樂, 只要係同你喺埋一齊。

聽日要喺呢度離開返香港, 我好想快啲番嚟見你, 唔駛幻想。