阿仔去咗阿嫲度一個禮拜，前日終於番左來啦。由於我星期一、二都要教書，所以好夜先至見倒佢同佢玩。佢真係大個仔左好多，好多野講咁囉！屋企貼左啲揮春響度，佢會走埋去「出入平安」張揮春下面，一個一個字講「乜乜乜乜」架，真係唔係話呃你。呢個「乜」好似細路仔天生就識得用咁，睇下我個仔咪知囉，唔識讀既字咪「乜」咗佢囉！仲有呀，佢依家講好多我地唔明既話架，發音有時似英文，好似expert, pittsburg咁，有時又似法文，好似：rogue, bosche咁。有啲時候又會響爹爹、媽媽後面加一啲怪音，好似爹爹tite、媽媽tite，而且講出來既時候好似一句句子咁架，你應佢咩佢就答你多一啲，有板有眼好有conversation feel 架！
阿仔最近得意既代表作包括：扮天氣先生：「啊！噢！」；唱紀曉嵐首片頭歌其中一句最尾嗰兩隻字：「依呀！嗚！」(一用)；仲有最新學既old McDonald had a farm：「依呀依呀！嗚！」當然唔少得既就係周圍同啲陌生人打招呼同玩。
有阿仔響度，成間屋都充滿生氣！
沒有留言:
發佈留言