面目可憎

好耐冇覺得一個人咁面目可憎，周融令我重拾呢種感覺。不嬲都好唔妥佢，人做時事評論，佢做時事評論，做到政府要頒個章俾佢，話自己持平中立，其實親政府到不得了，有幾朝聽佢做節目果啲論點真係聽到火都黎埋。今次政府要搵個信得過既人入去整治港台，佢當然係考慮人選囉。佢已經同政府傾好晒數，連消息人事都吹行晒風話今次降低要求就係為左就佢，咪低調啲等上位囉！點知人地話佢兩句，佢前日高調走出黎話自己冇申請，跟住琴日又開個記者會話因為人地歧視佢冇學位所以更加要申請，仲扯晒火企晒起身拍台拍櫈，做晒show咁，係人都知你打蛇隨棍上搵個理由申請啦，而家都唔知係司馬昭之心路人皆見，定係佢同政府東窗事發，總之一句：「核突！」

（另外，政府以後請署長級人員應該一視同仁，既然資歷重要過學歷，咁就全部都唔要求學位啦，如果唔係就係雙重標準！）