換證啟示

早兩日去咗搞身份證，我覺得依家入境處既服務較以前有「人性」同有效率。相片同你影多幾張都得，比較下，睇到啱先收工；核對資料有電腦系統幫忙，方便快脆。短短半小時，所有手續都完成了，真好！

 

不過有啲令我感到唏噓既係，見倒週圍一啲同我一齊辦手續既人，個樣都好老，特別係啲女士，唔好意思都要講句，真係好殘吓喎！我就響度諗，人地會唔會都咁樣睇我呢？三字頭，人就開始走下坡，加上香港生活壓力大，個下坡肯定比其他地方「斜」。唉！仔都生埋咯，真係老既都要認架啦！冇計冇計！