寶貝女個名，懸而未決

阿女就黎出世，其實佢個名都仲未有定案。之前，我同太太都諗過用「曉彤」或者「曉澄」，不過環顧四週，好多人都用呢啲名。我地亦都諗過用「心弦」，呢個係媽媽響澳洲讀書時候既筆名，亦都係我最想用既名，但係又撞左媽媽個名「然」字既音，所以又唔係好Prefer。而家Pend左響度。

其實我之後諗過不如用「恩澄」啦，但係老婆大人都未係好滿意，同樣問題，好似好多人用咁。名呢啲野真係有季節性，有一啲字會旺場好一段時間，「樂」、「恩」、「欣」、「彤」、「澄」好似好多人改。咁「恩呈」又如何呢？少見啲，又有意思。大家點睇？

至於英文名，已經被老婆大人勒令禁用J 字頭，因為兩個仔都用J，佢唔想成家都J晒得番佢一個W。不過用W既女名唔係好多，又唔係好啱心水，所以又係Pend響庶。其實老婆大人都唔一定要用W既，總之最好唔係J啦！咁又要搵個時間摷下書度一度。

唉！個名用一世既，花啲心思都應該既。